{"Titolo":"Dies a Bolu: su comunicadu de su S\u00f2tziu pro sa gara: sos ringratziamentos a sos chi ant cuntribuidu a organizare sas tre dies de poesia a bolu e de ist\u00f9diu","Testo":"\u003Ch3 class=\u0022JustifyCenter\u0022\u003E\r\n\t\u003Cimg alt=\u0022\u0022 src=\u0022\/public\/frontend\/media\/banari\/ckfinder\/images\/fotodiesabolu.JPG\u0022 style=\u0022width: 350px; height: 233px;\u0022 \/\u003E\u003C\/h3\u003E\r\n\u003Ch3 class=\u0022JustifyFull\u0022\u003E\r\n\t\u0026nbsp;\u003C\/h3\u003E\r\n\u003Ch3 class=\u0022JustifyCenter\u0022\u003E\r\n\tSos ringratziamentos a sos chi ant cuntribuidu a organizare sas tre dies de poesia a bolu e de ist\u0026ugrave;diu\u003C\/h3\u003E\r\n\u003Cp class=\u0022JustifyFull\u0022\u003E\r\n\tOcannu su 18, su 19 e su 20 de Santugaine sa comuna de B\u0026agrave;nari at onoradu a sa m\u0026egrave;gius manera su poeta chi l\u0026#39;aiat dadu fama e lodes mannas cando fiat in vida: tziu Barore Sassu. Tziu Barore in sos chimbant\u0026#39;annos de carriera po\u0026egrave;tica in totus sos palcos de Sardigna, est istadu unu de sos chi at amparadu sa limba e sa cultura sarda, cun m\u0026igrave;gias e m\u0026igrave;gias de garas de poesia cantada a bolu. Su S\u0026igrave;ndigu de B\u0026agrave;nari e totu s\u0026#39;amministratzione comunale si sunt ammentados de totu custu, paris cun sos sardos chi sunt b\u0026egrave;nnidos e ant partetzipadu a custas tres dies pro sa poesia improvisada. Sos cumponentes de \u0026ldquo;su S\u0026ograve;tziu pro sa gara\u0026rdquo;\u0026nbsp;ant ordingiadu totu su programma cun praghere meda, e ringratziant s\u0026#39;amministratzione de B\u0026agrave;nari pro lis \u0026agrave;ere dadu custa ocasione.\u003Cbr \/\u003E\r\n\tEst istada una cosa bella a b\u0026igrave;dere sos pitzinnos de sas iscolas medias de Tiesi iscurtende atentos sos poetas Zosepe Porcu, Dionisi Bitti e Brunu Agus acumpangiados dae \u0026ldquo;su Cunsonu tiesinu\u0026rdquo;, e a b\u0026igrave;dere poi sos pitzinnos e totu cantende in poesia; sos dischentes de s\u0026#39;Universidade de T\u0026agrave;tari ant poi partetzipadu a su cunvegnu de s\u0026agrave;badu mangianu in B\u0026agrave;nari meda atentos e interessados.\u003Cbr \/\u003E\r\n\tNos paret doverosu ammentare totu sas persones chi ant dimustradu de t\u0026egrave;nnere a coro custa sienda manna de cultura\u0026nbsp;immateriale chi est sa poesia a bolu: su S\u0026igrave;ndigu, sos assessores e sos cussigeris de B\u0026agrave;nari; sos volunt\u0026agrave;rios chi ant traballadu pro non nos f\u0026agrave;ghere mancare nudda; M\u0026agrave;uru Piredda chi est istadu s\u0026#39;\u0026agrave;nima de custu eventu cun su suo impignu continu; sos reladores Bustianu Pilosu, Ignassiu Macchiarella, Paulu Pillonca, sa proff.ssa. Margarida Satta, su dirigente iscol\u0026agrave;sticu de Tiesi Maria Cristina Rebeccu, sa mastra Giuanna Chesseddu, s\u0026#39;assessore provintziale Daniele Sanna; sos poetas Brunu Agus, Zosepe Porcu, Dionisi Bitti, Sarvadore Iscanu, Remo Orr\u0026ugrave;, Efis Caddeo, Zoseppe Caddeo, Paulu Zedda, Antoni Orr\u0026ugrave;, Robertu Zuncheddu; su Cunsonu tiesinu. Gr\u0026agrave;tzias puru a Gavinu Sale pro s\u0026#39;acoradu interventu fatu. Non podimus n\u0026agrave;rrere gr\u0026agrave;tzias, imbetzes, a s\u0026#39;assessore regionale a sa cultura, pro non s\u0026#39;\u0026egrave;ssere mancu presentadu.\u003C\/p\u003E","Sezione":"Il Paese"}