Comune di Banari

Articolo

Leghe su Programma
		Sa Comuna de Bànari e Su Sòtziu pro sa Gara organizant dibatas, Garas de otava rima logudoresa, Mutetu longu campidanesu, Arrepentina e Bertsolarismu vascu. 		TIESI SU 18 E BÀNARI SU 19 E SU 20 SE SU MESE DE SANTUGAINE.		CHENÀBURA SU 18	A sas 10,30 (in s'Istitutu cumprensivu de Tiesi) “SA POESIA IMPROVISADA IN ISCOLA”: introdutzione a sa gara poètica cun sos saludos de su Dirigente iscolàsticu Dr.ssa Maria Cristina Rebeccu, sas relatas de sa Prof.ssa Giuvanna Chesseddu, de s'espertu linguìsticu Istèvene Ruiu  e de su giornalista Màuru Piredda, s'esibitzione de Brunu Agus, Zosepe Porcu e Dionisi Bitti paris cun “Su Cunsonu tiesinu” e sa presentada de unu traballu de sos pitzinnos de s'iscola.		SÀBADU SU 19	A sas 9,30 (in “Sa Caminera” - a palas de sa Biblioteca “Barore Sassu” de Bànari) acreditamentu pro sos istudiantes, sos reladores e sos giornalistas. 	A sas 10 (in sa sala manna de “Sa Caminera”) “SAS TRADITZIONES ORALES E S'IDENTIDADE SARDA”: seminàriu cun sos saludos de Daniele Sanna (Assessore provintziale a sa Cultura), s'introdutzione de Màuru Piredda (Tzentru de chirca de sas traditziones orales) e sas relatas de:	Prof.ssa Maria Margarita Satta (Universidade de Tàtari)	Innàziu Macchiarella (Universidade de Casteddu)	Bustianu Pilosu (Cunservatòriu de Casteddu)	Zosepe Porcu (Sòtziu pro sa gara)	Pàulu Pillonca (Giornalista e espertu de poesia improvisada)		A sas 4 de merie (in pratza Santu Larentu*) “SU MUTETU LONGU”: cantada ispiegada cun “is cantadoris” Pàulu Zedda, Antoni Orrù e Robertu Zuncheddu, acumpangiados dae Pàulu Pilleri (Basciu) e Zosepe Tatti (Contra)	A sas 6 de merie (in pratza Santu Larentu*) “S'ARREPENTINA”: cantada ispiegada cun “is cantadoris” Efìsiu Caddeo, Remu Orrù e Zosepe Caddeo acumpangiados dae Mimmu Orrù a sa fisarmònica	A sas 9 de sero (in pratza Santu Larentu*) “SU BERTSOLARISMO”: gara poetica in limba basca (ispiegada e traduida) cun sos “bertsolaris” Jon Sarasua Martxalar, Arrate Illaro Etxebarria e Xabier Paya Ruiz.		DOMÌNIGA SU 20	A sas 10 (in sa sala manna de “Sa Caminera”) “CALE PROSPETIVAS PRO SA POESIA IMPROVISADA?”: seminàriu cun sos saludos de Giuvanne Pedru Cordedda (Sìndigu de Bànari), s'introdutzione de Màuru Piredda (Tzentru de chirca de sas traditziones orales) e sas relatas de:	Bustianu Pilosu (Cunservatòriu de Casteddu)	Pàulu Pillonca (Giornalista e espertu de poesia improvisada)	Remu Orrù (Cantadori - Arrepentina)	Pàulu Zedda (Cantadori – Mutetu longu)	Brunu Agus (Poeta - Presidente de “Su Sòtziu pro sa gara”)	Est previstu s'interventu de s'On. Sèrgiu Milia (Assessore regionale a sa cultura)		A sas 5 de merie (in pratza Santu Larentu*) “ZIZI E MASALA AMMENTANT”: intervista in pùblicu a sos prus mannos poetas contivigiada dae su giornalista Pàulu Pillonca		A sas 9 de sero (in pratza Santu Larentu**) “SA GARA LOGUDORESA”: gara poètica cun Zosepe Porcu, Barore Iscanu e Nigola Farina acumpangiados dae “Su Cunsonu Tiesinu”		*Sas manifestatziones artìsticas e s'intervista a Zizi e Màsala s'ant a tènnere in sa sala manna de “Sa Caminera” in casu de tempus malu. 		S'eventu est organizadu cun sa collaboratzione de su Dipartimentu de Istòria, Iscièntzias de s'Òmine e de sa Formatzione de s'Universidade de Tàtari e de s'Istitutu Cumprensivu de Tiesi.	Cun su patrotzìniu de sa Presidente de su Consìgiu regionale, de s'Assessoradu de s'istrutzione pùblica, benes culturales, informatzione, ispetàculu e isport, de sa Provìntzia de Tàtari e de s'Unione de sas Comunas de su meilogu.		Cun sa partetzipatzione de Banco di Sardegna, Fondazione Banco di Sardegna, Sardaleasing e Sistema bibliotecàriu de su Meilogu	 	 		 
Sezione: Il Paese
 
2023 Comune di Banari