BÀNARI. Mentzione noa pro su poeta banaresu Ànghelu Porcheddu chi at leadu parte a sa de 33 editziones de su prèmiu de poesia sarda “Posada” cun s'òpera sua “Notte niedda e longa”. Ànghelu Porcheddu, classe 1937, est unu de sos prus nòdidos poetas atuales. At connotu s'emigratzione traballende in sos furros de s'Italsider in Gènova finas a su 1973 iscoberende in ie s'estru pro su fràigu de sos versos. Torradu a bidda at contivigiadu s'arte sua e cada cuncursu non podet fàghere a mancu de sos "tessinzos" suos. In custu cuncursu at partetzipadu a sa setzione de “poesia rimada”, in ue at bìnchidu Giangavino Vasco cin “S'incras meu”. Sa premiatzione s'at a tènnere su 9 de austu in Pasada.
Mauro Piredda (Meilogu Notizie)
![[regionesardegnalogo]](../../../../../../../public/frontend/projects/entilocali/templates/banari/assets/images/regionesardegnalogo.png "regionesardegnalogo")
![[Comune di Banari logo]](../../../../../../../public/frontend/projects/entilocali/templates/banari/assets/images/banari_logo.png "Stemma del Comune di Banari"){kind=logo}
